అభినందన

భయం నీ మీసం
అంచుల్ని తాకలేదు
బెరుకు నీ కంటి
వంపులకు జడుసుకుంది

మిగ్ కూలిపోయిన చోట
మినార్ లా నిలబడ్డావు
యుద్ధం వాకిలి ముందు
అద్దంలా మెరుస్తున్న
నీ ఆత్మ విశ్వాసం చూసి
నింగి వంగి సలాం చేస్తుంది

నిన్ను సురక్షితంగా వెనక్కి తెచ్చుకోవడం
ఈ దేశపు నాయకత్వం సాధించే గొప్ప విజయం
నువ్వు మళ్లీ రెక్కలు విచ్చుకొని ఎగరకపోతే
ఈ దేశం బిక్క మొహంతో చచ్చిపోవడం ఖాయం!
 COME BACK SAFE ABHI
                                          -కేశవ్
(మళ్లీ కొన్ని తరాలకు దేశభక్తిని నింపిన వింగ్ కమాండర్ అభినందన్ వర్థమాన్ మాటకు ప్రేరణగా)