చినుకు మొక్క!

వాన మంచిదే కానీ 

వద్దన్న చోటే పడుతుంది ఎందుకు?

పుట్టడమే గొప్ప అనుకున్న చోట

పుట్టుకతో చావు జతకట్టిన చోట

బతికినా చచ్చినట్టే కనిపిస్తోంది ఎందుకు?

చావుకి కొలమానం రాలిపోవడం

రోజూ రాలే ఆకుల లెక్క

ఆయువు కొలిచే కాలమితి

చెట్టుకి చచ్చిపోవడం తెలుసు

బతికి బట్టకడ్డడం తెలుసు

ఒక్క చుక్క నీటితో జీవం పోసుకొని

పచ్చని పరికిణీలు అల్లుకోవడం తెలుసు

నీటి చుక్కల నేతిమూటల్లో

జీవపు పరిమళాల్ని అద్దుకోవడం తెలుసు

మహోజ్వల జీవి మనిషి మాత్రం ముగింపులో

ఉషోదయాన్ని చూడలేకపోతున్నాడు ఎందుకు?

మరణాన్ని అమృతం చేయాలంటే

మట్టి పొత్తిళ్లలో చినుకు మొక్కలు నాటాల్సిందే

                           -కేశవ్